老吉

@2011.02.21

回憶追溯到上年初的時候, 到環球片場歡樂完後, 就到附近的商店逛逛, 先到烏冬店醫肚, 向店長叔叔說你想要的烏冬號碼, 拿了烏冬後就到旁邊的食物籃拿下自己喜歡的配料, 最後到收銀處付款, 還記得當時明明是了hachi番, 想食烏冬上的溫泉蛋, 但叔叔最後給我hichi番的冷鳥冬, 我的心情有如烏冬一樣冷冰冰, 不過其實這個冷烏冬味道也不錯, 配料揀了天婦羅蝦及炸薯仔餅, 不是即製, 凍了卻脆, ok吧

烏冬380日元, 配料約80-200日元不等

セルフ讃岐本舗 うどんぐら （ＵＤＯＮ ＧＵＲＡ）

大阪府大阪市此花区島屋6-2-61 ユニバーサル・シティウォーク大阪　３Ｆ

這個小小的鳥冬怎麼可能夠滿足, 再上多一層, 來到章魚燒博物館來個下場, 所謂的博物館其實只係好幾間有名的章魚燒餐聚在一起, 因為也不知道那個比較好味道, 結果找間最多人的來了一客, 結果發現章魚燒外不夠脆, 而內的漿仍是水汪汪的, 朋友感到十分失望~而我們再也沒有空位吃多一客, 很可惜!

大阪たこ焼きミュージアム

大阪市此花区島屋６丁目２番６１号　ユニバーサルシティ４階

原味章魚燒5粒 320日元

あべの　たこ焼き　やまちゃん

〒554-0024 大阪市此花区島屋6-2-61　たこやきミュージアム内

完成了環球範圍的活動, 又回到梅田站附近的HEP FIVE, 目的不是shopping, 而是天台上的摩天輪, 是鬧市中唯一一個摩天輪!! 

 Hep Five 內的標記

赤紅色的摩天輪, 應附近的地標, 從梅田站一出不難找到, 到了Hep Five的7/F就有售票機, 大人500日元一張, 在上面繞了一個圈, 若為15分鐘, 坦白說夜景不是十分美, 沒有太多燈飾, (當時還沒有受到311影響), 但可以在車箱內用IPhone 或 ipod 播自己喜歡的歌, 可以陪添感覺~~~好feel!!!開放時間: 11:00〜22:45（最終搭乗時刻）

完成一個目標, 心情還不錯, 想著就去下個目標: 浪花餃子博物館, 找了好一會兒, 找到了namco的位置, 由最低層上到最高了, 繞了很久還沒有找到, 迫於無奈問問遊戲機中心的姐姐, 誰不知浪花餃子博物館關了, 又是不久之前的事, 是繼道頓堀商店街整座大廈不見了後, 另一個"名勝"消失的惡耗。

這次旅程, 不得不提的是這間位於難波道頓堀內的酒店, 話說2011年2月來道頓堀一帶已經對這間酒店的門口有特別深印象, 朋友們看到都必定會說: 很恐怖, 但估不到2012年這次就訂下這家酒店了, 真有緣。

入內後其實一點也不恐怖, 也基於這個門口比較特別, 不會那麼容易走過呢~而酒店lobby很快可以找到我最愛的wifi。

房間雖小, 但總算設備周全, 女性的顧客還可以每人分配一個小禮物包, 內有不同的洗臉霜, cream等等

這次被安排到7樓的房間, 頭3天也算「相安無事」(其實也因為上網小問題找人來修理, 最後總算弄好)。到了第4天, 晚上的時候竟然上不到網, 可能是前一天停電有關, 也只有7樓的某些房間上不到網, 對於宅女的我來說, 少上一秒就足以令我發瘋, 結果找了櫃面前的服務生上來幫忙, 可能知道我們是說廣東話的, 結果就派來一個中國男生來幫忙, 不斷俳徊能上與不能上網之間, 弄了好一會兒, 這位男生就建議我們搬房, 但朋友不太願意, 因為太麻煩了, 最後他建議給我們多一個房間上網, 於是這個晚上, 我們多了一個房間用, 而且不用另外加錢, 只要第二個早上交還房間鎖題就可以了。到了第5個晚上, 和前一天一樣, 不能上網, 結果又找來服務生來幫忙, 今天不見了那位中國男生, 而來了一個日本男人, 他沒有說什麼就立即建議我們換房, 好像已經沒有後路可退, 唯有在最後一個晚上才來換房!!

這次的經驗, 首先很想感謝那位姓「李」的中國男生, 因為我們兩位「麻煩」的客人上不到網, 結果要他來回跑了很多次, 有一次還是零晨一時多, 恰巧他正在休睡的時候, 還沒有穿好西裝, 就跑上來, 哈哈, 不好意思呢, 接下來住在這裡的時間都遇不上這位李男生, 真可惜!! 還想親自多謝一聲呢!! 其次就感受到日本人做事的原則以及中國人做事的變通, 日本男人接到我們的電話說是30分鐘內幫忙, 而中國男生卻只需3分鐘, 這個對比真的深刻無比!!! 

下次有機會來大阪, 這間酒店真是一個不錯的選擇, 位置方便, 由難波站25出口步行至酒店大約需時5分鐘, 而酒店對面就有24小時便利店~有懂普通話/英文/韓文集於一身的中國人當值, 有什麼查詢, 溝通完全不會有什麼障礙, 而且難波是一個很大的車站, 往其他地方比心齋橋站更為方便, 不用轉車, 也有巴士直達關西機場, 不用坐地鐵把行李搬上搬落的, 真讚!!

http://www.dotonbori-h.co.jp/index.html

@2012.01.07

來到2012年關西之旅最後一天, 都是在附近shopping作最後衝刺就回酒店準備去機場了

早餐來了這間cafe, 是前一天路經時看到門口的waffle吸引了, 賣相吸引吧, 但食落卻失望而回, 外層不脆, 沒有雞蛋味。

480日元

 可愛的貓貓杯

Caffe Clever

地址: 地下鉄御堂筋線難波駅10番出口前 (地下通道)

食得太累, 又是食飯時, 來到長堀橋水晶地下商店, 本來想吃日式飯, 卻選了西式蛋包飯, 又貪心的想試未試過的意粉, 結果選了二合中的套餐, 1,080日元滿足兩個願望, yeah

 牛肉汁配牛油炒飯

明太子意粉

還是比較喜歡茄汁炒飯:p

街の洋食屋さん ポムズ・ファーム

在難波站直接搭巴士到機場非常方便, 雖然miss了一班車, 到機場比較趕時間, 但總算趕得上就不理了, 把行李寄倉後又再食, 真的最後最後一擊了, 大阪名物 - 章魚丸, 沒想到來到大阪最後一天才食

たこ昌

地址: 大阪府泉佐野市泉州空港北１番地旅客ターミナルビル２F

          フードコート町家小路内

選了最普通的豉油章魚丸, 哈哈, 好味呀, 好熱呀, 想不到什麼就一粒粒的吞進肚裡, 然後又快快的上機了。

捨不得關西, 捨不得大阪, 捨不得京都, 不知道什麼時候可以再來呢

@2012.01.06

花了半天時間, 怱怱遊了奈良公園, 接觸一直想看的鹿, 心滿意足的往下個目的地進發。計劃是去京都的宇治市, 可是突然想考慮宇治市可能又是看寺廟為主, 怕朋友會覺得悶, 倒不如立即改變行程, 去之前想去而星期三定休的「万博紀念公園」。「万博紀念公園」位於大阪北邊的吹田市, 從奈良是沒有快方法到達, 唯有先坐快鐵到難波站, 再由難波站搭metro 御堂筋線去到尾站千里中央站, 再坐搭大阪モノレール去万博紀念公園, 十分的迂迴曲折, 車費也很昂貴: 奈良 - 難波540日元, 難波 - 千里中央390日元, 千里中央 - 万博紀念公園 240日元。

千辛萬苦終於可以看到太陽之塔的踪影了, 興奮非常。

沿天橋一邊走一邊從不同角度拍太陽之塔, 正想步入旅遊中心拿資料時, 在門口不遠的園內地圖顯示關園時間為下午5時, 而4點半則開始不能內進, 當時是4時15分, 於是立即起跑, 也跑了10分鐘才到, 時間真的剛剛好, 用了200日元入場, 抬頭就看到巨形的太陽之塔了, 和雜誌中看到的一樣啊....

  太陽之塔背面 expo70

繞了一個圈, 來到expo70門口, 原來還要花200yen入場, 而同公園的停止進入時間一樣為4點30分, 那就是和這個展覽無緣了, 唯有再望望太陽之塔就走了, 因為正值冬天, 很多樹都光禿禿的, 有些鬼異感覺, 不過當春夏秋時會有梅花, 櫻花, 紅葉等壯觀的場面吧!!行到關園時間, 太陽之塔還會著燈, 哈哈, 幾有趣呢~

轉接回到大阪, 又來到道頓堀, 終於可以食到大阪最有名的大阪燒了, 今次還可以自己參與製作, 又是一次很好玩的經驗, 而且還好好味呢~明天就要回港了, 十分不捨, 最後還是喝點酒來抒發一下好心情!!

炒麵 980日元                                                       豬肉大阪燒 880日元

 桃酒汽水420日元

道頓堀 一明

地址: 大阪府大阪市中央区道頓堀1-6-12 ニコービル B1F

情侶去的話可能會更覺窩心, 皆因那裡還可以製作心形的大阪燒呀, 哈哈

@2012.01.06

晨早起床清鮮開朗!!! 來到關西之旅第五天, 先到酒店轉角位的一間cafe 嘆早餐!! 日本餐廳沒有法定為非吸煙, 即使有分吸煙和非吸煙區域, 但這悝陣陣的煙味也挺厲害。

toast+西湯餐 連+10% 528日元

Royal Host ロイヤルホスト

地址: 大阪府大阪市中央区難波2-1-2 太陽生命難波ビルB1～1F

朋友在網上查過, 由難波出發到奈良坐「近鐵」會比較好, 不用轉車, 540日元, 大約45分鐘車程就到了, 而且嘆完早餐向前再走大約5分鐘路程便是近鐵車站, 比想像中方便很多呢。

一出閘口就看見奈良最有名的鹿神公仔, 雖然樣子不是十分可愛, 但都要和指標來一個合照的:p

再出車站, 往右邊看不難發現一條商店街, 通過這條路便是三条通, 轉左前進, 右邊看到的一個大水扡便是「猿沢池」, 左邊上樓梯會看到「興福寺」、「五重の塔」等古舊建築物, 然後就當然看到數以十計的鹿聚集在一起, 每當遊客在附近的檔口買了鹿餅, 貪吃的鹿們都會蜂擁而上, 遊客動作慢點都會引起鹿們的衝撞, 哈哈, 既危險又有趣。我共餵了兩次, 頭次遇上不善友的婆婆, 第二次卻遇上很有愛心的公公, 交鹿餅給我時, 還故意在遠離鹿群的地方, 好讓我有足夠的時間, 一邊暴走一邊遞上鹿餅, 因為公園有較矮的欄杆, 我故意跨欄內進公園, 以為會有更多時間暴走, 誰不知鹿們都很厲害的跟著我一起跳欄, 策略失敗了, 鹿餅仍是不消幾秒就被搶略一空。

「猿沢池」「五重の塔」

「東大寺」                                                            「春日大社」

沿著指示去了東大寺門口, 再行了春日大社參道, 看沒有什麼大特別的就回到起點的商店街醫醫肚。來了多日還沒有吃過炸豬扒飯, 恰巧這裡有間不錯的餐廳, 就內進試了, 我點了炸豬扒+炸蠔, 蠔有三隻之多, 也只是1,080日元, 比在香港便宜了, 而且質素很高, 豬扒不油, 蠔亦很JUICY, 大滿足!!!! 

とんかつ がんこ 奈良店

地址: 奈良県奈良市東向中町19

除了吃豬扒飯, 還被其中一個菓子店吸引了, 包裝很精美, 而且還有我最喜愛的士多啤梨及紅豆二合為一的菓子, 好好味! 可惜食用日期只有一天, 不能帶回港當手信, 真傷心

萬勝堂

地址: 奈良県奈良市東向中町24-1

醫飽肚, 在商店街還掃了很多奈良手信, 滿載而歸的又往下一個目的地出發了。 

@2012.01.06

沒有研究歷史, 沒有分什麼國籍, 日本人一向給人有禮貌的感覺, 就算上年311發生如此大的天災時, 看見日本人如何鎮定, 我總覺得有很多值得我們學習的地方, 喜歡上嵐、喜歡上日本風景, 努力學習日本語, 最近更看有關日本文化、日本歷史的書籍, 看日本番組、日劇更是家常便飯。近年第三次踏足日本, 估唔到會有這樣如此不愉快的事情發生。

事源來到2012年關西旅程的第五天, 按照計劃由大阪出發到奈良公園, 一大目的只為了看鹿, 沿著指示在三条通一路走, 大約10-15分鐘後, 就看到活生生的鹿, 數以十計的用渴望的眼神望著遊客, 在附近唯一一個攤檔, 用150日元買了一份鹿餅, 不用數秒鹿們爭先恐後的追著你搶餅乾, 第一次這麼近距離的接觸, 雖然很害怕但又想一試再試餵鹿的經驗。

價值150日元的鹿餅

由三条通一直行, 看見一個路口, 即五重の塔前的唯一一個攤檔

朋友餵了一次, 我也餵了一次, 真的很興奮, 此時朋友說想去洗手間, 作為遊客在等待的時候, 沒有什麼好做, 除了看其他遊客餵鹿, 便是拍拍鹿的各樣神態。

由於等待時間比較長, 在沒有遊客買餅時, 發現這個婆婆會沒有愛心的驅趕鹿們, 不讓牠們接近自己, 然後最令我傷心的是, 她突然向前跑向我, 十分不友善的手指指指著我, 用日文一連串沒什麼停頓的大罵, 最後還用身體語言的示意我離開那個範圍, 基本上我不懂她在說什麼, 只好無奈的往不遠的地方後退了幾步, 朋友還沒有出來, 不能走遠, 期間我想是自己做錯什麼嗎?! 旅遊的地方不許拍照嗎!? 沒有任何不能停留的指示, 沒有任何不許拍照的警告, 即使是不願被拍到或者有其他原因也好, 也可以好言相向, 完全不理解為何可以這樣對遊客!!!!!!!!!!!!! 朋友出來了, 將事情告知後, 朋友還想幫我找這個婆婆理論, 但我想還是算了, 大事化小嘛, 最後就讓這件事為日本旅程留下一個污點, 有機會去奈良公園的話, 請小心五重の塔前的這個攤檔, 其實賣鹿餅又有愛心的公公婆婆大有人在, 不一定一時心急惠顧了這樣趕旅客又沒有愛心的婆婆。

相信日本還是一個可愛的地方, 這個沒禮貌的日本人請不要破壞自己國家的印象吧!

@2011.01.05

看完猴子, 大滿足!!!!!! 下山後, 立即醫肚

來到路上的いわを

地址:〒 616-8384

京都市 右京区 嵯峨天龍寺造路町 19 番地

在附近沒有太多的心水選擇, 相對西餐廳, 在這悝還是吃日式的更適合

左看右看, 這個橋麥麵就恰到好處了, 1,000yen

天婦羅蝦, 真的是蝦有蝦味:p 之所以這樣說, 應該很多人都同意, 香港能吃到的都只是爽而無蝦味的蝦

這次只有一隻, 實在不夠滿足, 

結果轉一下身, 已經在旁邊的菓子店買了我一直期待的綠茶蛋糕呢

因為份量比較細, 所以只需要200yen, 只怪自己一時看錯, 以為另一口味是朱古力

否則我應該會選擇扭紋來嘗盡綠茶+培茶, 兩大茶味

多謝朋友慷慨捐出一口培茶試試看, 還真的不錯呢

嵐山這個範圍的路不難找, 一邊是嵐山, 另一邊就是有名的竹林, 

所以往相反方向走, 來到竹林小徑

奇怪的沒有我想像那麼厲害, 是我想像得這裡太美嗎?

其實寧靜的環境是很舒服的

隨隨便便的繞了一個圈, 本來想去金閣寺的, 但原來時間已經極度不夠

只好放棄留回下次了, 回到嵐電車站前, 是時候坐巴士回JR京都駅約會我上回東京認識的日本朋友了

好景不常, 路上堵車了, 結果被預期的遲了足足30分鐘才到, =0= 十分不好意思

但日本朋友仍然好熱情的招待我們, 先到附近的たき川旅館參觀一下後, 

就到一間餐廳慢慢聊天慢慢共進晚餐

京都和久傳

地址: 京都市下京区烏丸通塩小路下ル東塩小路町ジェイアール京都伊勢丹11階

日本朋友說這家是比較傳統的京都菜, 

坦白說沒有這位日本朋友的介紹, 我想我們不會有興趣內進呢

先來, 每人一杯梅+昆布的水, 日本朋友稱為白湯

那是將水煲熱=熱湯, 再由熱湯放涼就變為白湯了

強烈的梅味, 最後一口還是挺酸的

前菜是平目魚的刺身, 竹筒是烈酒, 開餐還是喜歡喝一口酒

第二道是白麵豉湯, 還是第一次喝到白的, 很濃, 很厚的感覺

第三道是魚, 忘記了什麼魚, 但上面黑的粒粒應該是花椒吧, 因為咬下去, "麻"死了

第四道是一個小涼菜, MENU說有納豆, 但其實沒有的, 那些芝麻醬很好味

第五道了, 看似豆卜的東西, 裡面是日式年糕

第六道到主菜啦, 可以三選一, 我就揀壽司, 也有湯煮及雜煮,

是鯛魚嗎? 竟然忘記了, 不過肉素很爽, 沒有太多油份, 加上柚子的香, 很清鮮, 這個最喜歡了

甜品是strawberry, 真的少, 哈哈

多謝日本朋友熱情的款待, 每位大約5,500yen, 實在太貴了, 你說這個價錢值得嗎?

真的見仁見智了:p

很高興可以在飛機相遇這位志同道合的日本朋友, 希望將來還可以多些見面呢

@2012.01.05

這張不是postcard, 是一隻超級可愛的猴子BB

不是死物, 是活生生的在我身邊經過

上回說到, 過了渡月小橋後, 就是上嵐山MONKEY山的入口了

成人門票為550yen

經過東京高尾山的猴子園後, 其實對這裡的沒有太大期望, 但太愛猴子的我

也心甘情願的拿出550yen, 覺得即使是被騙也沒有所謂了

小店當然還有各樣的猴子產品, 謝謝朋友送給我的猴子電話繩 350yen

猴子postcard也十分化算, 200yen 6張

後悔沒有多買一set呢~~~

差點忘記要留意一件事, 入場時, 職員是需要收票的, 

然後她會給張日文或者中文/英文版的單張你

記得要拿, 多拿幾張也沒所謂反正單張上也有可愛的猴子bb樣

事不宜遲, 立即出發

本來以為經過這間猴子裝飾的屋後會見到無數猴子, 誰不知, 見到的是像沒有終點的樓梯

完了樓梯還有斜路, =_=

雖然路上有很多楓葉的足跡, 但面對難以估計的敵人 - 樓梯, 

一邊深呼吸, 一邊的看, 情緒很難可以高漲起來呢

不知道行了多久, 這樣算是第一個checkpoint吧

看真的有點兒嚇人, 是說這個checkpoint才是這條看猴子的starting point

暗示著我們應該還要打倒很多敵人~_~

不過同時我也有留意到當見到猴子時要注意的警告

感覺我們應該會看見不一樣的猴子呢~~

原本是對昨天留下來的積雪很有興趣, 誰不知, 在這個時候發現第一對猴子的踪影

heehee, 發現嗎? 

這裡的猴子是自由的通山走? 沒有上次的園區, 沒有什麼圍欄的嗎?

帶著半信半疑的心情, 跟著指示繼續上山

兜了兩個圈, 登山的高度是同京都tower一樣, 136m, yeah

望出去個景已經很美, 但到底還要走多完?! =_=

點知突然出現眼前的就是這些猴子啦, 是在路中心的

完全沒有被我們打擾, 繼續的享受牠們的生活

kya~~~~太厲害了

第一次那麼近距離接觸猴子, 我也知道朋友說我少見多怪, 因為香港的馬騮山一樣多猴子

但我就是沒有去過吧, 而且在完全沒有心理準備下相遇, 真是那麼的意外驚喜!!!

這裡有不同size的猴子, 有猴王, 當然也有出世沒多久的bb

真的真的十萬分可愛

除了可愛的猴子, 這悝看到的真的如之前提及的絕景, 

嘩嘩

看了好一陣子, 我們再去那個山上唯一一間屋子

沒有太多設備及裝飾

但就是可以在這裡用100yen 買些小吃, 例如蘋果, 栗子, 花生來餵猴子

heehee 100yen真化算, 買了一袋蘋果就到屋的窗邊餵猴子啦

我最喜歡猴子bb, 當然就想用蘋果餵牠們啦

小手不夠長, heehee

當猴子bb伸手得很辛苦之時, 往往比較大的猴子就會跑過來, 

頂走bb拿蘋果的有利位置, 大蝦細的定律似乎很難改變

就算我們是多麼不願意, 多多少少的總要給大猴一點點蘋果吧

我會將蘋果放係手掌心, 然後攤平的好等猴子們可以自行拿走蘋果

相對 用手指拿著再交給牠們為易, 就是這樣有些時候還可以觸摸到猴子的手

毛茸茸的, heehee 感覺真爽

正餵得高興之時, 有職員通知我們, 他將會在外邊餵猴子, 應該是十分壯觀的

希望我們都可以參觀一下, 結果十分有趣

職員一邊行一邊在地上撒栗子, 當然本能的反應, 猴子們會追著來吃

當栗子數目越少, 爭鬥是必然的事呢

旁邊還有個水池, 洗澡泡水玩水什麼都可以了

也忘記了花了多少時間在山上, 很想繼續留在那裡, 可是還是要下山了

下山前回到屋裡就是為了這個紀念印

入場前的單張在這裡就大派用場了, 蓋了印後還可以當成postcard一樣的寄出

真的是很有紀念價值, 而且還是免費呢

下山比上山容易, wuwuwu 下次不知道什麼時候可以再來呢, 

我可愛的猴子啊....

@2012.01.05

 每天的開始就係食返個靚早餐

今日來到呢間餐廳, 我覺得是比較抵又好味的一間了

我揀的set 咁樣都係450yen

而餐飲的熱檸茶茶底都比較濃, 啱晒我呀

kiefer cafe dining なんばウォーク店

大阪府大阪市中央区千日前1丁目虹のまち5-10 なんばウォーク　３番街北通り

餵飽自己, 先搭御堂筋線去新大阪站 230yen

然後再搭JR去京都, 再轉山陰本線・亀岡行 950yen

超過1.5小時, 終於來到京都嵯峨嵐山啦~~~~

一直都知道嵐山小火車係冬天唔開架啦

估唔到個車站近成咁呢, 有得睇冇得坐, 可惜~~

幻想緊有幾正呢~~

尋日落既雪今日都仲見到呢, 雖然已經溶緊, 哈哈

好多地方都見到個嵐字, 真係開心

而且豆腐又似係呢度好出名的菜式呢

行左大約5分鐘, 就見到有指示去天龍寺了

突然向後望, 發現街的中心係會有火車經過

小見多怪的我覺得好有趣呢~~

一路行, 條街都比較靜, 都係有d 小商店或者小食店,

行到街尾的時候, 我好想大叫呀!!因為我見到我的最愛呀~~~~kawaii

真係好可愛好可愛呀!!!唔理我朋友想唔想, 我一下就要求要搵我的馬騮仔了

難為了朋友:p

抱著興奮的心情, 繼續向前行已經見到天龍寺的門口了

仲有大量人力車接送遊客, 假如佢地收費平多少少, 我諗我地都想試下坐

沿著左邊一直行, 感覺呢度熱鬧多了

見到個櫻字, 就知道我地到左渡月橋啦

從渡月橋往前望, 好舒服呀!!!

唔識點樣形容呢d 咁正環境, 都係透過相片表達更適合

為了嵐字而偷影的

過了渡月橋就已經到左嵐山公園, 不過我地冇入去, 繼續向前行

就見到渡月小橋啦

就係渡月小橋的盡頭發現左嵐山的馬騮山, 

仲寫住絕景添, 唔知有幾絕, 又唔知馬騮山有勁多馬騮

唔理咁多, 出發上山啦~~~

好有feel的烏居

連呢個位置都有個神社

下回將會有馬騮山之旅!!!! 

@2012.01.04

行完錦市場之後, 行返落地鐵站, 往八阪神社出口走

一出來憑感覺的向右行就見到四条大橋

對住d 咁空曠的地方真係好舒服呢~~~~

然後繼續向前行, 感覺呢度同東京的淺草附近的街道有幾分相似

京都果然有好多寺

即使係路邊突然也會有一間寺出現, 

憑感覺的真準~原來向這個方向行大約10分鐘, 就見到我的目標 - 八阪神社了

不足一年可以來呢度兩次真好呢~~~

相對上次, 今日來到, 真係人山人海呀!!!

差不多每個角落都是人, 而且想祈福還要排隊呢~~~

求籤的地方, 除了固有的檔口之外, 仲有好多臨時攤位呢

今日沒有求籤, 沒有參觀, 只係想通往清水寺山腳而已

所以立即轉入這個門口去東山路了

沿路有可愛的佛, 可以摸下佢地來改運的

行到一半, 又落雪了, 真的有FEEL~不過D FEEL 似乎強烈得制

朋友開始想搵地方避雪了

畢竟雪落來了, 很快化成水, 搞到周身濕晒, 太麻煩了

行到盡頭~~

但這一邊的店鋪都不是食店, 即使係都冇開

連上次買丸子的車仔都沒有開檔了~_~

只好向下行, 再轉向清水寺方向行, 希望路上會遇到一間適合的餐廳啦

點知雪下到不能再大~_~, 朋友已經開始凍得不行了, 停了下來

朋友本來想搭巴士去清水寺, 但其實清水寺只係係前面

而且行去巴士站又有一段唔短的距離, 係左右為難之下, 朋友硬著頭皮陪我繼續向前走

突然發現一間唔錯的烏冬店, 門口雖然掛了closed牌, 但整理店外牌子的老闆仲邀請我地入去~~

好溫暖呀!!!! 

入到去先發現係坐他他咪的舊色餐廳

係我最想去的餐廳, 而且價錢都唔係貴

我點的咖哩烏冬, 800yen~

係等待的期間, 我們不停用紙擦身, 而老闆就忙住整烏冬吧

後來才發現, order後至少要等15分鐘, 因為想有高質素的烏冬比顧客

所以係收到order後先做, 並希望客人可以安心的等候

對於狼狽的我們已經唔介意等待的時間, 期間不斷喝著熱熱的培茶, 真係好正呢

說回這碗烏冬, 原來砌出來好似一幅畫咁呢

有蝴蝶, 又有地又有樹, 簡直係藝術

而且烏冬真的比外面食到更彈牙

咖哩是日式咖哩, 所以唔算辣仲好香

啱晒我心意~~~

休息完一輪, 又準備出發了, 臨行前老闆仲問我地有冇帶傘

知道我地係從香港來, 又冇傘, 老闆係店內搵了兩把傘, 送比我地作為禮物

本來都唔想拎了, 但老闆堅持送, 於是就帶著老闆的心意離開

而老闆是以最傳統的鞠躬式送我地出門口

請各位記下這間咁有誠意又好人的烏冬店 - 京うどん 纏 （まとい）

地址: 京都府京都市東山区清水4-170-4

[木～火]
11:00-17:00(L.O)

[水]
11:00～15:00(L.O)

ランチ営業、日曜営業

睇返個營業時間, 我地去到的時候, 原來真係已經閉門了

老闆可能見我地太狼狽了, 所以都唔怕阻佢收工, 做埋我地呢單生意, 老闆多謝你!!!!!<<感動

享受完咁好味的烏冬, 我地繼續向五条坂行了

行到時抬頭發現整個山頭都係雪, 好正呀

其實來五条坂個目的只係為左上次飲唔到的綠茶 -_- 400yen

抱住好苦的心態去試, -0- 點知係甜的, 仲要係好甜

感覺似係加了煉奶, omg, 點解唔係苦架, 唔通唔夠傳統?

又唔係唔好飲, 只係幾意外啫, 有趣有趣~~

坐係簡單的店內, 睇下旅遊書, 連上清水寺的時間都冇lu

京水庵

地址: 京都府京都市東山区五条通東大路東入白糸町569-10

夜了, 搭巴士去JR 京都站

穿過商場, 入到去發現呢間Berry Cafe

地址: 京都府京都市下京区烏丸通七条下る東塩小路町590-2 京都ヨドバシビル4Ｆ

只係睇模型已經睇到我嘩嘩嘩聲 

不過個價錢令我嘩得仲勁, 最平要850yen一件, ~_~點食呀!!!

放棄我最愛的甜品, 回到熟悉的JR 京都站正門

又遇上這個京都塔

又是同一個角度

又是同一個音樂水池

又係同一條路上SKYWALK

又係同一個夜景

又係同個感覺去影相, 又係同一個技巧

唯一唔同只係借了mic的鏡頭

突然諗, 究竟影相的意義係邊呢? ORZ...離題了

最後來到food court, 揀了這間- 上方ざんまい屋 （かみかたざんまいや）

京都府京都市下京区東塩小路町901 京都駅ビル　１０Ｆ　京都拉麺小路内

係門外揀左最吸引的特色豚肉拉麵, 850yen

入去慢慢等食了, 呢度仲有無限的自助泡菜架~~

湯味夠濃呀! 半熟蛋真係好鬼正, 豚肉又唔錯, 呵呵呵

係一碗好正在常的日本拉麵

滿載而歸!!!

@2012.01.04

好好休息了一晚, 正式開始找景點去了, 先去到難波車站的地下商店街嘆返個早餐先

三文治+yogurt餐 , 400yen

其實我唔食yogurt架, 哈哈, 好明顯係揀錯野, 不過都照食左幾啖, 好彩冇肚痛啫

心斎橋ミツヤ　なんばウォーク店

〒542-0076
大阪市中央区難波１丁目　なんばウォーク３－３

The Next station is 万博紀念公園

由難波搭metro 御堂筋線 去到尾站千里中央 390yen

出站後, 再沿指示行去搭大阪モノレール 

正準備買車飛之時, 竟然發現一個小notice

!!!!!!!!!!!!!!!!!!!!!!!!!!!!!!!!!!!!!!!!!!

万博紀念公園今日休息

x交叉yz!!!! 乜公園都會有休息日架咩, 點解...........

千里迢迢來到個車站, 先知冇開, 雖然可以遠距離望到我地個目標, 但都仲想睇下設施

唯有改變計劃

由千里中央站搭返metro去梅田站 350yen

再搭阪急京都本線 特急去到河原町 390yen

普通行就足足有成26個站, 急行好好多, 唔駛站站停, 話晒都由大阪去京都

花的時間點都超過45分鐘了

同平時坐的metro凳唔同, 今次好有火車feel 

到站後係3番口出, 一路向前行, 見到呢個御幸町通就轉入去

離遠已經可以見到錦市場的入口了!!!

入到去, 右手邊已經有個神社了, 叫錦天滿宮

可能係正市場隔離啦, 所以人都好似特別多咁

我冇參與祈福, 搖鈴, 只係周圍望望

摸下隻牛牛, 聽講會帶有好運

仲有2個位置比你洗手喝水

參觀完, 向另一個方向行, 就正式係錦市場了

仲記得之前"蘇good"都有介紹過呢個地方

的確有好多小店亦有好多好有特定

賣鰻魚的

賣廚房用品的, 價錢好貴架, 但可以係刀上刻名

但最有趣既係比我見到呢檔栗子檔

係賣巨形栗子的, size大約係平時見到的4-5倍

斷gram計, 350g大約只有15-20粒左右

好想試呀, 好想買呀, 不過只能存放1天, 放係雪櫃最多3天, ~_~

咁點拎返屋企喎, wuwuwuw, 唯有下次同「栗子人」一齊來食啦

然後又係呢度買左爹娘最鐘意的魚仔, 最衰唔見「小女子」

不過今次買的, 比之前買的仲要貴, 唔知係咪真係好多呢

然後又見到呢個魚力檔

有新鮮魚賣, 亦有小檔係度即場整d 新鮮魚

我就揀左燒鯛魚, 我覺得燒的先會食到魚的味道

而朋友就揀左天婦羅的, 300yen一串, 有2舊有3舊的

估唔到炸的魚出來比燒的更滑, 不過魚味還是燒的比較重

陪完朋友去買筷子等刻名之時, 去了超市仔買佢最喜愛的PINO

正想食之時, 發現有飄雪!!!! 

雪只要不大, 飄雪的話還是很浪漫的

就這樣, 我們二人在浪漫的飄雪襯託下, 享受冰極的PINO~哈哈...

(註: PINO 係朱古力外層包住雪糕) 可想而知有幾凍呢

拿回朋友刻好名字的筷子, 我們又繼續下一站的旅程了

@2012.01.03

清晨起身排隊買完「嵐beautiful world 」con goods, 完成任務都只係大約9點半, 

出返難波站, 計劃先醫肚後立即回酒店訓覺~~~~~

無計, 我老人家唔捱得呢

就係近難波車站25出口條通道, 揀左第一間cafe - Dessert Cafe　ピオーネ　就坐低了

大阪府大阪市中央区難波1丁目なんばウォーク二番街

其實日本仲未將餐廳全面禁煙真係有d 難頂, 餐廳位置唔多, 假如附近有人食煙一定中招

我地就係中招的其中一份子, 搬到同煙頭老遠的一張枱, 終於可以充飢了

我揀左個飛碟set 530yen,

又有芝士又火腿, 加埋脆卜卜的飛碟真係好正呀!!!

不過最意外驚喜的係竟然有個小pudding

雖然唔講得係好滑, 但係有甜品我就ok架啦, (只要唔好太難食)

食飽諗住立即回酒店休息, 點知突然見到BIG CAMERA, 於是又走左上去一趟

諗住揭下雪櫃睇下有冇意外驚喜, 點知一本CATALOG都冇, 唯有打道回府

訓足3小時的靚覺, 下午3點準時出發, 又再去搵食了

唔想行得太遠浪費時間, 於是揀左道頓堀蟹蟹標誌對面間壽司了

冇得帶相機去睇con, 只好用iphone去影啦

坐正係bar 枱等食

最愛的熱綠茶

我的壽司set, 計埋+10% (因為新年關係又加10%) = 1,554yen, 還可以吧

好少見既茄子麵豉湯

多角度欣賞壽司

最好味都係海鰻呢~其次為三文魚, 同魚魚魚

至於最難咬的果然係八爪魚同魷魚呢

がんこ寿司

〒542-0071　大阪府大阪市中央区道頓堀1-8-24

填飽個肚就出發去一個完美的concert了

@2012.01.01-2012.01.02

踏入2012年1月1日, 估唔到又係香港機場出現

明明已經食過晚餐, 但唔知點解又走左去買大家樂做宵夜~

個豬扒包好un咯, 差d 牙都被扯甩了

滿足完個肚, 又係時間準備登機了

第一次坐CX, 第一次坐零晨機, 唔知係咪如其他人所講, CX特別好坐呢!?

一上機冇幾耐, 已經派飛機餐了, 我想話我頭先個豬扒包仲未落格呢

去日本最正的飛機餐都係有soba!!! 唔係梅味, 好好味, 食晒個soba之後

食埋d豬肉, 同瓜幾啖甜品就冇食了

(~_~基本上已經食晒咯)

經過大約3.5小時, 日本時間6點就到達左日本關西機場了

個天仲未光

突然間好似多左好多時間咁, 所以我地就買飛, 由機場慢慢出返難波站

相對東京交通, 大阪的交通真係簡單好多呢

冇搭特急, 一站站咁搖, n咁多個站都搭晒, 大約1.5小時就到了,

最衰係一出地鐵站就落雨, 雖然係毛毛雨, 但拖住個喼都十分唔方便呢

因為2011年2月先啱啱去完大阪, 

所以對心齋橋一帶仲幾有印象, 於是憑著我的記憶, 好快就搵到我地的目標酒店

本來以為咁早冇得入房, 點知竟然可以checkin, 放低行李係房, 整理一下, 我地又早早咁出去行街了

由心齋橋筋一路行, 行到一半朋友又要醫肚了, 去左佢最愛的DOUTOR 的CAFE食野, 

原來個度有成幾層咁多, 比我慢慢坐低, 休息下都好

佢食飽我地又繼續行心齋橋筋, 由於新年的關係, 條街好多鋪頭都冇開, 人都唔多一個

呢條馬路仲「靜英英」咁, 行埋係馬路中心慢慢影相都仲得

然後走到日航酒店附近, 抬頭一見, 竟然見到自由神像, 哈哈

來呢度的目的, 只係為了搵JOHNNY'S SHOP

兜左個大圈終於來到, 其實真係係正日航側邊條路呢~_~

比起原宿店, 呢度真係好少人, 唔駛排隊已經可以直接入去, 

揀完一輪出來, 滿足晒

地址: 

〒542 - 0086
大阪市 中央区 西心斎橋 1 - 12 - 8 
大美建築ビル 1 F

営業時間 : 
10 : 30 am - 6 : 30 pm ( 星期一至五 )
10 : 00 am - 7 : 00 pm ( 六, 日及假期 )

再行返入去心齋橋, 行下大丸百貨, 睇下有冇平福袋可以執,

原來連鑽飾都可以做福袋, 下下都幾千, 哈哈, 點買得落手呀

我地由冇乜人行到變到好多人 

途中見到呢間cake shop有好靚的甲虫蛋糕

原來係法國名牌, 都想試下既, 不過成個點買喎

我終於覺得肚餓了, 但想搵間唔駛等位的餐廳都有少少難度, 

一直行呀行呀, 行返去宗右衛門町通り

見到蛋包飯只係380yen, 好平又想食, 所以就衝左入去

上一層竟然係超多位, 仲諗緊係咪太難食, 所以冇人幫襯呢, (好衰)

最後我買左呢個蛋包飯set, 有埋湯+salad, 都只係550yen

d 薯條係新鮮炸出來架, 好好味

蛋包飯入面都有菇同茄汁底, 味道好ok, 即刻覺得好抵食

CAFE Break カフェブレーク　戎橋店

〒５４２－００８５
大阪市中央区心斎橋筋２－３－１５ 宗右衛門町通り

營業時間: １０：００～２３：００(元旦休息)

食飽飯, 差唔多將成個心齋橋行到爛晒, 最後諗住去高島屋再兜個圈

就係7樓間書店, 買完雜誌之後, 被我對雷射眼SCAN到有好味的甜品

望住個MENU已經吞晒口水咁

結果問下朋友有冇興趣試之時, 可能我對眼已經變得水汪汪咁款

朋友見狀都唔好意思話唔食, 於是二話不說等位坐了

今次的目標有兩個, 一個當然係粟子tart, 一個就係樹多啤梨tart

本來諗住揀一個set 可以有2款蛋糕+1杯tea的set 1550yen

咁就可以同時嘆晒兩款

但晴天霹靂地, 原來樹多啤梨係貴野, 只可以自己散叫一個餐 1600yen

朋友好好的將佢個quota比我叫樹多啤梨tart set, 然後2款蛋糕set就揀了栗子同雜果tart

慢慢多角度再欣賞下d tart先

全宇宙最好味的栗子tart, 唔會有燶栗子的味道, 上面同栗子餡一樣有粒粒栗子

而且個tart底好硬脆, 唔會林左, 仲要有咁大pat 栗子容, 栗子的朋友係絕對唔可以錯過的

樹多啤梨好似係用左佐賀縣的樹多啤梨

所以特別甜, 美中不足的地方就係個tart有少少濕左, 冇咁脆, 可能係因為被上面的毛屎濕左, 

而同樣的問題亦出現左係個雜果tart身上, 可惜

不過個雜果tart 毛屎好似都係用雜果做作成, 所以每食一啖都有唔同的味道

幾fresh的味道

話說一次過2種味的蛋糕, 個size係同揀一款的差唔多

幾幼, 點解我會認為加200yen, 可以有多一件tart 咁天真呢:s

但即使比多200yen都抵既, 難得有機會試, 當然要試多d 款啦

可能揀蛋糕的時候, 揚言我可以為左食蛋糕而放棄晚餐, 

吓一吓我朋友, 結果佢都唔係食好多, 一個人差唔多食晒三件tart呢, 好痴線呀!

食飽飽, 好滿足的, 嘆埋杯熱檸茶就啱啱好了

粒粒的糖好別緻呀

ロビーカフェ・ファシーノ （LOBBY CAFE FASCINO）

大阪府大阪市中央区難波5-1-18 なんばダイニングメゾン7F

平日限定的甜品自助2,000yen都相當吸引, 下次會再來試啊

wahahahaha.....太好味, 訓訓下都可以笑醒, heehee

最後仲要多謝呢位朋友請我食呢!!! yeah!!~~

美好的第一天就此完結~~~~~~

@2011.02.21

由於1月2月冬季時間是淡季, 所以環球影城的開放時間縮短了

當天開放的時間為10:00 - 17:00

朋友仲起身, 轉接由酒店出門至西九条, 再轉乘以上的蜘蛛俠車到universal city站

已經是11點了, 沿著人潮行了數分鐘

終於見到這個環球的標誌了

以為平日的時間可以少d 人, 可惜.........................

完全唔明白點解可以咁多人~_~

拿著由香港旅行社的coupon, 排了大約15分鐘

(原價6,200yen而加5,500yen)

入去啦~~~

意外的少人, 

可能是地方比較大吧, 相對香港迪士尼的美國小鎮大街

係呢度中間轉圈圈跳跳舞都唔成問題

攞住地圖, 向第一個景點出發

史力加4D歷險記

先安排到一個房間等候, 然後聽一輪日文之後就進入電影院

雖然段片都一樣係日文, 都唔聽得太明, 不過效果已經勝過一切, 讚!!

至於芝麻街4D電影魔街安排係另一個較後的時間, 所以無緣了

電影院對面就有呢隻啄木鳥的音樂遊戲, 但怕唔夠時間玩其他, 選擇放棄

轉個灣就見到SPIDERMAN了

沿著人龍, 好快已經入到裡面了

但只係假象, 蛇餅繞完一個又一個, 雖然不時會向前行, 但蛇餅長到根本不知要排幾耐, 無奈

話雖如此, 這個係遊戲推介之中, 哈哈, 排幾耐都值呀!!!!

坐係架車上面, 前面的畫面+動感, 真係好似置身其中一樣, 唔好意思的尖叫了幾下

tension 極之high, hoho

玩完太興奮先發覺肚餓, 哈哈, 所以近近地買兩個熱狗食下先

傳統美式熱狗再加有芝士的熱狗

大啖大啖的邊走邊食又行到下個景點, 回到未來

又是另一堆的蛇餅, 估唔到呢度都等成1個鐘有多

玩的時候冇睇過回到未來, 只係知道故事大綱

後來突然又一口氣睇左三集回到未來, 假如當時已經睇左的話, 相信會對個遊戲更有共鳴

旁邊就有烈火雄心, 分左三part, 前兩part好無聊, 播片, 又聽唔明日文

只有最後的現場實景好震撼, 算係ok啦

然後再有一個魔鬼終結者的3DSHOW, 除左係銀幕見到的畫面, 仲真係有真人會走來走去

迫真度增加唔少, 都幾刺激

繞過一個大圈就到侏羅紀公園了

濕身遊戲, 最後又放棄了, 因為前面有更吸引的大白鯊

好興奮好期待的跑到門口, 可惜......................closed!!!!!!!!!!!!!!!!!!

維修關係, 停止, 唔知係呢段時間停左定係今日停左

總之就係冇得玩咯, 可憐

冇得玩個激烈遊戲, 唯有玩小朋友的滑浪飛船

雖然係小朋友玩既, 不過, 坐上去個下都幾驚, wahahaha, 

最後忍唔住叫左一聲:p

整濕左個pat pat, 轉入室內玩下過山車吹吹風

呢度仲有snoopy 店, 真係勁多, 如果全部都係史迪仔就好啦 XD....

 SNOOPY呀!!!!!!!!!!!!仲有其他人物呀

雖然唔鐘意, 但本能反應, 沖左埋去影返兩張相先啦

出返去又見到ERNIE 識左新女朋友

另一邊廂ELMO都唔輪蝕喎

好想搵佢地影相呀!!!!! 不過唔夠人爭~~激氣呀, 唯有留返下次再來過啦

來到是日最後一個GAME, SPACE FANTASY

無錯, 玩得太少野, 已經係最後一個GAME了

超好玩, 感覺似SPACE MOUNTAIN, 但更刺激, 張凳又向前又向後

有時仲會向後沖落去, 絕叫~爽呀~

最勁的過山車都冇玩啦, ~_~

接近5點了, 好多人都走晒, 唯有作最後沖刺, 買下精品啦

yy最愛的芝麻街, elmo呀~~~

勁多, 勁多, 又有手動公仔, 又有電影模型, 又有大公仔, 小手飾, 左揀右揀都唔知揀乜好

諗諗起, yy手仔咁細, 都係買返隻小小公仔比佢開心d

第二日佢大個左, 再買隻大的比佢, 一年一隻?! 哈哈...唔錯呢~~~~

行到過左5點, 商店都閉了

只好帶著依依不捨的心情離開 <<< 讀書年代最鐘意用的句子 ~_~

總結一下, 冬季時間開放時間短左, 下晝的巡遊冇左, 估唔到連其他好玩大白鯊又冇, 水上表演又冇

~_~好玩的都冇, 想點先, 即係迫我再來既啫......>_<

elmo~你等我呀, 我會再來搵你架~~!!!!

@2011.02.20 京阪遊 第三天 (下)

由大阪港站又坐返車去日本橋站

轉個灣行5分鐘左右就見到黑門市場了

轉身先發覺對面已經係另一條「千日前中英通」 



黑門市場大約係十字型既街咁



見到呢個logo 應該就係中心點了

然後向前後左右咁行就可以睇晒



朋友話呢度有間好出名的鰻魚飯店

但每條街都行左一次, 並冇任何類似的發現

而且可能時間比較晏, 大約3點幾, 好多賣新鮮魚的店都已經閉門

只見一些超市, 賣小食的店仲係好多人

既然冇鰻魚飯都即管睇下有乜好野啦

 正正樹多啤梨呀, 只係350yen



係香港一定唔止呢d 價錢啦, 二話不說掃了

再買了些魚仔, 木魚, 總算有收獲就離開

回向「千日前中英通」 , 行行下已經到左難波範圍

估唔到近, 一路行一路睇野, 完全唔覺攰

然後就慢慢行到「法善寺」了

旁邊就有好出名的「夫妻善哉」店



好日本feel呀



仲有限定商品賣



先來飲杯茶先, 略苦~



然後就來左一set 夫妻善哉

傳說左邊的係男的, 右邊的係女

二個人食一份, 會比單人的幸福圓滿



不過單身的食左就會好快有美好的思緣降臨

哈哈, 諗都唔諗即刻食啦~~:p

食完甜甜的紅豆湯, 再試下咸咸的海苔來調調味

(不過真係好咸咯)

這樣承惠800yen~

嘆完出到來已經開始天黑了


又是沿著商店一直行



行呀行, 好多店都好得意


原來剛剛行的就係「法善寺橫丁」



過晒成條街就係道頓堀了
感覺真神奇, 原來範圍咁細



朋友又話想搵呢度最有名的「道頓堀極樂商店街」

據聞係呢度最有名的地標, 第一天來到找不到

今天找不到的話, 似乎朋友是不會罷休的

看著地圖不斷走, 走到去南難波站, 見到OIOI

同高島屋



又兜返轉頭.....來到



對呢間酒店好深印象 (heehee)



行到要抖下, 入到LAWSON, 朋友就食下關東煮



其實冇乜特別
然後又來返固力果、かに樂道附近, 究竟「道頓堀極樂商店街」係邊架?!?!?

突然發現左一個地盤

突然對下旅遊書



突然發現原來我地一直和「道頓堀極樂商店街」擦身而過
原來「道頓堀極樂商店街」已經成為地盤

原來朋友想去的都執了
天啊.......................2010-2011年的旅遊書都可以咁唔可靠

以為一間商店可以冇左, 點解可以連成幢商店街都冇左

晴天霹靂!!!!!!!!!!!!!!!!!!!!!!!!

但還是要醫肚的

揀了這間黑潮拉麵 takara 


好似好多名人幫襯過呢過



係門口買過飛就坐係bar枱等食了



又攰又餓又凍, 有碗熱熱的拉麵落肚

呢下, 好幸福呀



湯底比四天王仲要更豬油更濃, 要快快食, 否則好快就有層油結左係面了

好好味~~~感動ing

最後懷著灰爆的心情回酒店
總結一下今日的戰利品, 明天再努力去~~~

由酒店的長堀橋站轉車至大阪港站又是另一個270yen

出閘後, 沿著站的指示, 穿過天橋, 離遠已經見到一個摩天輪了



原來佢是有名的天保山摩天輪, 離地係112.5米

由於到達時間剛好10點左右, 正正係天保山摩天輪運轉之時

價錢為700yen 透明車箱同價, 價錢合理, 

亦因為只有小貓三四隻係度排隊

結果就買票, 期間就見到winnie the pooh都坐緊喎



由於坐既係透明車箱, 感覺更良好, 抵左~~~



由高空望一望大阪的景色先~~~





而呢個就係一陣會去的海遊館了

兜了一個圈, 大約坐左15分鐘
又到隔離的商場行街了

除左見到龍貓店



同麵包超人店之外



仲有其他小店係賣手信同埋.................

嵐的產品

(偷影.....手震)

大約有2-3間會有嵐的出現, 於是我就好仔細咁睇下會有乜買

雖然冇幫襯, 運吉是也, 但見到個時, 就有尋寶的感覺, 哈哈

行完一輪, 醫下肚先~

來到「浪花貪食小港巷」



門口就見到呢個假的「太陽之塔」



仲記得個時sho為casa 拍硬照的時候, 就去到真的「太陽之塔」

雖然唔係sho飯, 但見到一樣好開心

再行入去,  入面真係勁多食店

揀來揀去, 最後決定去 「まぐろ屋 天」

被安排坐係門口自閉位, 抬頭一望就見到呢條魚

好自然又令我諗起leader了
點左一個吞拿魚的魚生飯750yen

就有前菜, 湯同飯啦

篤爛左隻蛋, 蛋汁加埋吞拿魚再有少少香草的味道

實在好味到不得了!!!!!!!!!!!

全碗一粒飯都無剩, 哈哈哈, 勁呀~

填飽個肚就行到來海遊館

http://www.kaiyukan.com/language/chinese_traditional/

入場費承惠2,000yen 好貴呀!!!

買完飛一入去就見到兩個friend企係度等我啦



然後過完一個海底隧道之後, 就可以排隊

同呢個館最大的魚模型影相

每group人只可以用一部相機影一張相


最後我地當然冇比錢買佢地幫我地影個張啦, 慳返d

除左海遊洋動物之外, 仲有少量的動物, 如大小姐, 哈哈 





o my friend~~~



影左勁耐先影到佢頂波呢刻咯



海遊館最有名的

最後吸埋個印仔, 就去左紀念品area 狂影相, 仲有左d 紀念品添



估唔到都行左好幾粒鐘, 又係時候食下野先

記得行街個時有鯛魚燒喎, 於是又買返粒啦



本身同朋友都想要紅豆既, 好明顯係因為我日文仲未到家, 溝通唔到

最後變左奶黃, 好灰



不過都好好味, 配埋另一個100yen 的桃汁


perfect!!!! 又向下一站出發了

出發啦

先由長堀橋站站到去新大阪站, 出閘之後, 搵左好一陣子先搵到買京都的票

因為屬於大站, 差d 買錯左飛去東京添, 忍笑

搭左大約45分鐘, 終於去到京都站

出左閘, 我記得問過staycool 要行右手邊既 

(多謝staycool 不厭其煩咁, 好仔細將當時的情況話我知)

沿住右手邊行, 突然就見到information centre

初時諗住問下人係咪有車票買

點知, counter的枱面已經放左好多sample 係度

我認得就係呢張啦~~~~500yen, 任搭巴士

感覺尚算順利, 呵呵, 可能當日係星期六, 所以超多人係度等巴士

本身天氣預告就話會落雨

好彩無雨之餘, 仲有少少陽光, 比之前一日仲好天~~

有名的京都tower

都唔駛等太耐, 準備出發去清水等啦~~~~

係巴士上見到呢個景, 太鐘意啦~~~

話都冇咁快就知道到左「五条坂」站

跟大隊過左對面馬路, 再一直血向上行就到左清水寺山腳啦

同陸朋友本身都諗住著和服玩下既

於是依住和服店「岡本」網頁的指示, 就來到本店的門口啦

點知天氣太凍, 亦唔見有人著和服, 陸朋友決定放棄呢個計劃左好耐的念頭

唯有等下次啦

不過明明話凍, 第一餐的竟然就係雪糕咯

女人五時花六時變其實真係好平常架啫

陸朋友最喜愛的綠茶雪糕

但我的確麻麻地, 好彩可以溝下雲尼拿啫:p

一路食一路行, 突然見到呢條「あさひ坂」

唔理其他人, 兩條友就係度上山冒險啦, 

沿路見到好多呢d 狸貓, 仲有一兩間陶瓷的工作坊

咪以為呢d 狸貓好似好得意, 其實好三級架>.< 哈哈

天氣真係好好x 2

穿返出來, 又見到好熱鬧的手信街咁

好多小食, 同好多和菓子買

第二餐又係甜品 puff啦~~~~

櫻花季節限定喎, 咁特別就揀左佢啦

個皮唔係想像中咁好味, 好硬, 而且冇乜味咁

而櫻花饀都ok, 要用好多饀來送個皮先好味

反而陸朋友彈到個綠茶puff 一文不值, 

又似殺虫水味, 又好似藥水味, 好慘呀puff~~~

但我係覺得ok的

快手快腳終於來到清水等門口啦!!!

一個我恨左大半年的地方呀

之所以好想來呢度, 係因為aiba係訪問中, 講過

佢拍完舞台劇之後(大約2010年年中)就來左呢度玩, 

可以睇到aiba睇過的風景啦

Discover the New Japan!!

買左package接近3個月, 終於係2月中出發啦

今次又搭左我最"喜愛"的HK Express

一直都聽到好多人唔鐘意搭呢間公司

因為成日delay喎

但第一次搭佢係去北京之時, 太大雪,

KA或者CX好早已經取消晒夜晚的機

如果唔係佢的堅持, 我又唔可以去飛到去北京喎

而今次去大阪, Touch Wood 地仍然係冇delay!!

相對飛去北京更為舒服,

飛機餐仲可能係食過咁多次最好味的

短短的3個鐘行程, 不斷提供水, 茶, 小食, 飛機餐

基本上, 係口不停, 雖然個飯同平時食到的一樣水準

但個芒果布甸&冷麵就好好味啦

轉眼三個鐘已經到達左關西空港

依住自己搵的資料, 先上一層再去到搭JR 出市區

望左個地鐵路線途好一陣子, 我決定唔依住資料咁搭

而臨時改為係天下茶屋轉車

然後好聰明地, 再搵到路由天下茶屋去到長堀橋

本身根據酒店的提示, 應該出C3出口的

但我地睇完地圖之後, 就出左A5

拖住行左樓梯, 轉右手邊屈入下一條街

抬頭一望已經見到酒店了, 的確酒店門口唔係太顯眼

只有一個牌仔楝係門口

放低行李, 再出返來, 已經天黑了

由於第一日沒有特別安排, 所以只要填飽個肚就OK了

漫無目的朝住熱鬧的燈區行, 都行左15-20分鐘, 

突然見到: 章魚燒!!!!

好緊張地諗住講下日文, 哈哈, 點知呢間鋪好細心地

對於唔同遊客SET定好多條問題, 只要答晒就OK了

店員哥哥知道我影佢, 都V晒手, 哈哈, 早知同佢合照啦

係寒冷的街邊, 食住熱啦啦的章魚燒

感覺實在太正了!!!!!

外層勁脆, 入面就熱啦啦的漿

好好好好味呀!!!

食完一路行一路行, 唔知點解就已經到左

我地第一個目標: 摩天輸雜貨巨店Donki

大慨行足4-5層, 好似乜都有得買, 野食, 化妝品etc

可惜我冇收獲就繼續向前行啦

另一個大地標!!! 固力果~~~~

估唔到咁快已經來到心齋橋筋商店街同道頓堀

(呢個位置就係睇嵐にしやがれ＠2011.02.10 時話要影低的)

呢度咁出名的松葉蟹, 梗係要試試啦

見到張相都好似聞到炭香味呀!

咁就500yen了, 但對住我呢d 愛蟹的人士來講

呢d 咪係must eat item咯

就係坐左係附近, 食食食, 好回味呀!!!

然後沿住條路一路行, 好多小商店買手信既

Little Osaka

亦主力有勁多壽司店, 雞泡魚店, 拉麵店

大阪燒店, 章魚燒店 (流口水)

本身諗住試下呢間金龍拉麵, 好地道咁坐係條街度食

但實在太凍了!!!

所以揀左隔離個間四天王拉麵

揀左呢款麵豉拉麵!!

隻蛋好好味, 哈哈, 無錯又係蛋, 就係呢碗拉麵後

發覺我愛上食呢種蛋:p

湯比較濃, 但又忍唔住飲湯喎

結果最後都要飲返多d 冰水

叉燒好入味, 好鬆化~~

我諗真係是但係日本揀間拉麵鋪都會覺得好好味

填飽個肚行到千日前散下步

不過發覺好多商店都開始關門了

唯有早d 返酒店休息睇bartender 第三集啦