老吉

@2011.10.19

「柚子」係2011年2月19日就上左嵐にしやがれ做大兄

當時就係介紹橫濱有乜玩既, 其中就介紹到係赤レンガ倉庫的綠茶貨甜品一定要試

知道自己有機會去東京就已經mark低左

後來, 係去東京之前, 去左上海幾天

路過「新天地」的時候, 突然見到好大個招牌



我企係對面馬路超興奮

再仔細望望, 正和「柚子」介紹的綠茶品牌一模一樣

抱著半信半疑的心態打開menu 



發現全部都係綠茶同培茶的產品, 亦有「柚子」介紹的芭菲杯

冇揀芭菲杯, 最後我就揀左抹茶雪頂 28人仔

極濃的綠茶雪糕啊....再係濃濃的綠茶上面, 太正了

至於我再點左一杯友人: 白玉紅豆溧浮焙茶拿鉄

又係28人仔



其實唔覺得係拿鉄, 只感到好濃的茶味

二揀一, 都係鐘意綠茶多d~~~~~

食完之後其實仲半信半疑, 究竟呢間同日本o個間係咪真係同一間呢?

結果12月頭去橫濱個時, 真係去左赤レンガ倉庫o個間nana

諗一諗, 忍唔住用好爛的日文問個staff, 上海係咪有分店

結果真係有~~~~yaho~~~~staff 仲反問我係咪去過

佢知道我去過, 仲讚我勁添呀~~~~

到上海都唔好錯過一個平機會嘆宇治綠茶了

上海仲有成2間分店架

地址: 馬當路185號

@2011.10.24

北京既路真係好大, 即使有地鐵也好, 由地鐵站走去一個景點, 往往也需要至少10多分鐘路

當天拖著行李, 由酒店 - 和平站, 坐了一個地鐵站, 到達 - 前門站

再出了前門東大街出口, 雖然迷失了一下

最後沿著舊胡同的方向, 一路走, 路經會見到「錦江之星」

從長巷二條、三條、四條

兜兜轉轉, 最後穿過胡同, 就見到利羣烤鴨店



幸好來到的時間為11點左右, 即使冇訂枱都唔需要等位

門口一入就見到一個燒木的爐掛著幾隻鴨

再轉角就是一個四合院式中的大廳



職員忙著準備好多配料, 而我地則被安排到其中一個"房" 中點菜

房中當然有好多明星咁高官的照片



睇menu的時候, 第一時間見到警告字句

就係三輪車同佢地的店係完全冇關係, 關於車資糾紛方面, 佢地係唔會理會

似乎由於太難搵, 好多人都會係外面上了兜客的三輪車, 而有機會被騙

幸好之前搜索了地圖, 不用搭車, 不用麻煩

講返個menu, 全部係填鴨set

睇下你要咩啦, 不過其實計落都唔係平~~~



所以最後我地冇叫set, 只係要左一鴨兩食, 再加個鴨湯

大約270幾人仔

好心急, 好期待呀!!!!!

師傅突然出現係身後, 好努力咁切緊啦



yaho~~~有2碟咁樣的片皮鴨



配料~



包呀包呀~~~我唔客氣啦~~~~~~



坦白講, 聞落鴨的皮係比其他北京店食過的香

(係北京只係食過大牌子「便宜坊」、「全聚德」及「郭林」)

味道好有鴨味, 以上咁多間, 我絕對會投利羣一票~~~呵呵

可惜兩味的另一味, 只係將鴨再炸過, 都唔算係一個小菜



不過就可以比你完全佔據了一隻鴨

最後鴨湯呢, 其實係胡椒湯, 無特別, 下次可以連20人仔都可以慳返!!!!



兩個人食晒成隻鴨真係好爽呀!!!!!!!!!!!!!!!!!!!!!!!!!!!!!!!!!!!!!!!!!!!

超滿足~~~~~ 下次有機會去北京的話, 會再來食呢~~~じゃ

地址:  祟文區前門東大街翔鳳胡同11號 (正義路南口

@2010.1.10 第八天

轉一轉眼又到左2010年1月北京之遊最後一天

雖然下就3點左右先要到機場

但為左方便行動, 我地決定係酒店再叫外賣, 哈哈

今次叫返好好味的咕嚕肉

但好似無第二日叫的外賣咁好味喎

茄子

花生

超多, 想打包上機慢慢食, 哈哈

臨走前就梗係要介紹下我最喜歡的酒店 - 桔子酒店

雖然我無住過其他, 但一聽到個名之後

有得揀我都會揀返桔子

每天為你送上桔子

儲儲埋埋有好多個, 呵呵

每天為你送上牛奶以及唔同款的麵包

每間房仲有條魚魚, 我呢條叫.............

SOEREN, 哈哈, 唔識讀, 第一日好生猛, 游到第八日都已經呆呆地了

唔係好大的小電視

一橙一灰的杯

一橙一白的毛巾

白雪雪的厠所

仲大的好處就係可以WIFI無限上網, 速度都好快

落到大堂又有一個小小CAFE位

隨處可見的桔

 

但英文係叫ORANGE~~呵呵

外表玻璃, 可惜當時去隔離係地盤

 

外牆都係橙色, 我應該係係最高層第一格個間房, 呵呵

我的桔子酒店 - 西直門二店 - 西公庄站行大約15分鐘

咁就走啦...........好唔捨得呀

我要玩呀, 我要放假呀~~~~~(癲)

@2010.1.9 第七天 (下)

由798藝術區的三元橋站搭地鉄轉到北京大學東門站

一西一東, 到出閘的時候已經天黑了

係東門門口就擺左呢個小販檔

買左一個超級好味的煎餅 (加兩隻蛋)

熱lar lar, 外脆內軟, 好香蛋味, 正

一路行一路食, 發現眼見的建築物, 包括上堂, 開會

同呢個最大的圖書館都係中國式的

聞落好似有陣味~~~呵呵, 書卷味

呢隻係傳說之中最鐘意讀書的龍

所以一對的就放係北大內面

呢個係西門的門口

好似好古色古香, 幾好feel喎

沿路聽到一個中國學生係點辛苦先入到北大

大約係2000人先有一個入到

入學前仲有好多好變態的考試

個腦實d都會比out

相對香港的教育制度, 香港人幸福得多

只要你肯讀, 大把機會大把途徑呢

(在此對自己無再讀書深表遺憾)

兜左一個圈由南門走就到達郭林家常菜

本來食晏而加食dinner, 終於被我搵到你, 呵呵

來個可樂賀一賀佢先, 仲有好耐都無見過的朋友 - 王老吉

又來半隻北京填鴨, 只係rmb 38

同全聚德rmb198一隻, 好似差唔多啫

份量仲好似多d添喎

兩個人食半隻, 吃野, 好滿足呀

仲有兔仔蕃茄

牛腩煲 rmb 26咋

好大煲呀, 以為好濃味呢

點知係淡踎踎, 如果呢個時間有個枝竹羊腩煲你話幾正呢

最後加多個以前飲成日見到的炸鮮奶

唔油, 加埋媡奶就啱啱好啦

填飽個肚仔, 就去中關村站的家樂福買北京手信啦

@2010.1.9 第七天 (上)

到左第七日啦, 要作最後衝刺, 玩多d 食多d

我想再食多次填鴨, 嗰邊有間好介紹

平時就食開係北大附近的分店

後來上網查左, 唔知得邊個站有

點知搵左好一陣子都搵唔到, 結果走左去食..............

味千拉麵 =0= 呢個唔駛多介紹了

魷魚酥 RMB16 

咊千拉麵 RMD 18

辣的味千拉麵 RMB22

唯一好處就係唔駛加一

填飽個肚又搭地鉄, 今次就去左三元橋出

一出就見到傳說的毛蛋

但個樣超殘忍, 見到隻雞仔係個蛋度穿左隻腳出來, 救命

本來係打算搭的士去, 點知有個阿叔走埋來問廿蚊去798

見都幾合理, 所以就用廿蚊去到門口啦

呢個係新派的藝術區, 有唔同人會係度做展覽

入門口第一個大公仔

畫廊一般係唔比影相

但呢個係地底賣的畫, 又偷偷地影了

好靚好鬼異

之後就去左呢度睇左呢個畫展

睇POSTER 仲以為係攝影展, 點知全部都係油畫

好勁

路經既一架車都發現到好野

最後用廿蚊買左呢6個JIONG 字的扣針, 哈哈

沿路行每一步都可以吸引到攝影發燒友停得低

 

 

行行下去左一間賣熊貓的衫鋪

呢個係咪好特別呢, 呵呵, 我睇你唔到我睇你唔到

鉄拳無敵 

同外星人接觸的洞穴

就係呢間小食店再買左冰糖葫蘆, 今次係好似芋頭的小粒粒

一串只係3蚊雞, 同係王府井買的10蚊差成7蚊

王府井果然係做遊客生意

一路食一路就見到呢隻好型的蝴蝶

係咪好似以前細個, 用木做的模型個d呢

外星馬騮仔

一睇就知係男仔了

沒有著底褲的女人

超級巨大的阿伯

一對結婚公仔

仲有好多隨地的雪人

 

  

整個地區好鬼大

之前係fb見到朋友影相的我都見唔到

反而見到好多我朋友見唔到的野

我地只行左一個L字的街已經用左接近3個幾4個鐘

本來嗰邊仲想買個漱口嘜比654

個嘜寫住: 獻給最牛逼的人

牛逼=牛B 係普通話裡面就等如厲害

但呢個咁舊式的嘜要成RMB30.

覺得有D唔抵, 所以都係無買...呵呵呵呵, 但總算有心, 忍笑

就快天黑, 我地要轉去下一站「北京大學」

@2010.1.8 第六日 

踏入行程的第六日

今日又可以豬一陣先起身嘆第一餐

有名的川菜「俏江南」

今次唔係打的, 而係搭地鉄去到西單站再行一陣的

西單站感覺幾似香港, 好多高樓大廈, 有個好大的商場

商場的鋪頭又係個d 牌子, 個d 集團食店

唔記得係邊個出口, 過橋, 直行再轉左就到啦

環境好似好高級

而每張枱都有呢隻玻璃天鵝

 

好特別的飲品menu

我地點的粟米汁

好甜呀, 好有粟米味, 不過如果可以有杯熱茶就好啦

準備開餐

新鮮的沙律

侍應會係你面前將所有材料倒晒落個樽到

然後就搖呀搖呀搖呀

再倒返落個玻璃兜度, 即成

梅菜扣肉

d 肉好肥呀, 但好鬼好味呀

這鍋只有面頭係肥肉, 下面全部都係梅菜

最後一碟就係....唔知乜乜牛

見唔見到右角的辣椒油

就係辣到叫救命呀

所以只係食左兩舊咁大把, 嗰邊都食到流晒汗

個侍應仲話係少辣添, 如果係大辣真係難以想像

填飽個肚又去下一站啦....~~

下一站: 故宮

上次錯過左開放時間, 今次仲唔比我睇到, 哼

午門~~~ -

左右都有的屋

入場前可以借講解機去聽下每一間屋的用途等

進入正式範圍 - 太和門

 

睇下個平面圖先

午門>太和門>太和殿>中和殿>保和殿>乾清門>乾清宮>坤寧宮

最後就來到御花園啦

 

呢條路拍戲成日都見到

之後順住側門就離開左故宮啦

點知出到去勁多人, 想搭的士都搭唔到,

勁徬徨, 最後係用左一蚊搭巴士去是但一個地鉄站

再轉到磁器口執埋我地第二日行程做重要事的手尾

就回酒店enjoy我地的外賣dinner again lu ~~~

大拉皮~~~

魚香茄子煲

紅燒排骨

@2010.1.7 第五天 (上)

雖然天氣咁鬼凍, 但來到北京又點可以唔去長城呢

為左方便起見, 我地決定join團, 團費138RMB

而團係包車接送, 早一日約左司機6:20 係酒店門外等

我地晨早5點幾就起身

6:20 啱啱去到樓下就有個7人van來接我地

咁都無咁慘

眼都未打開, 就來到一間好舊的店食自費早餐

我地點了一籠包仔

甜的熱豆漿 

咸的熱豆花

仲有隻茶葉蛋

兩個人食四樣野, 你估呢度食左幾錢?? 呵呵

食完個早餐就換左架16人的VAN仔來車我地去長城入口

沿路個導遊係咁講野, 而且車係無暖氣,

想訓下暖下都唔得, 鳴~~~

大約過左1.5小時我地終於來到入口

 

八達嶺熊樂園, 呵呵, 唔知係荒廢左, 定係夏天先有呢???

跟住大隊慢慢行上一個小斜路, 風大到佢都頂唔順

即時停低買返頂「長城」冷帽價錢RMB5蚊雞

買得來又要跑返上前跟住大隊

呢刻好似想暈, 不過都要頂落去

坐上滑車就到達左長城的一段 

啊...................我已經成為好漢啦

好靚啊~~~

 

經過又上

 

又落的石級

終於來到我地的目的地

(我地的目的比其他團友為短, 呵呵)

但一般來回都係大約30分鐘左右

之後我地又要坐返呢D 滑車落山

坐左上車, 將個安全保護墊拉落來,

靠個小小的扣就帶我地上山落山

設備好簡陋, 仲要係人手操控

你都咪話唔驚, 不過我地最後都安然無恙

之後係厠所個暖左10秒之後又要出返去坐車到下一個景點啦

ps: 以為除左團費乜都唔駛比

點知, 坐呢d 滑車來回一係要比rmb60

上左車先同你講架, 屈機

 

去下一個景點之前

 

我地先停下來醫下個肚

 

呢一餐都係團費包既

 

但眼見都係菜菜菜, 只有一個係肥膏蘿蔔

 

而條魚只係做個勢, 加上白飯同饅頭

 

同呢個有麵的湯

只能作為填飽個肚, 暖暖胃之用

都唔好要求咁多:s

上返架車, 行多10分鐘路就來到下個景點「十三陵」

資料:

十三陵是明代皇陵。位於昌平縣天壽山下的盆地中。包括長陵（成祖）、獻陵（仁宗）、景陵（宣宗）、裕陵（英宗）、茂陵（憲宗）、泰陵（孝宗）、昭陵（穆宗）、定陵（神宗）、慶陵（光宗）、德陵（熹宗）、思陵（思宗）共13處，統稱十三陵。

話晒都係人地的墓穴, 所以都係唔太方便影相

只好最後係門口遠隔離影返一張

最記得導遊帶我地離開呢度之前

要先經過一個「鬼門關」

男先出左腳, 女先出右腳

並要大叫: 我回來啦

寓意係由死裡逃生, 哈哈, 真係信不信由你啦

再上車唔夠10分鐘就來到最後一站「北京明皇宮」

呢到又係講明朝歷史

入去之前就先小人, 講明你想影相要先影相費rmb30

攞到個影相證你就可以任影

否則係要比錢的

最後所有團友都無人比錢

亦好彩無比到, 因為入面係明朝歷史的場景

而人像都係用蠟像方法做, 太迫真, 又血淋淋

經過一圈對明朝的歷史又知道多一點?? :p

到左黃昏的時候, 個車就車返我地走

臨走前又送我地去一個買野食的地方

有即食鴨, 有果埔, 有餅

試食完都覺得麻麻地, 所以乜都無買

回程我以為架車會車返我地去酒店

點知唔係, 只係去到附近再行200m先到地鐵站「五棵松」

由呢度去到「車公庄」足足8個站, 又要轉車

真係好攰呀!!!!!!!!!!!!!!!!!!!!!!!!

都係返酒店, hea住來食外賣最爽

是日餐單: 土豆牛腩

玉米

總算滿足的一天

@2010.1.6 第四天 (下)

係王府井食飽飽, 就慢慢行去天安門廣場諗住行下故宮

點知行到過去都差唔多天黑啦

 個條路好靚, 仲比我地見到彩虹

成半個圓架, 好特別~~~~

係電視見得多啦,

親眼見到天安門廣場都係第一次

好有中國感覺, 哈哈

 

 

望過對面就係類似立法局的地方, 就是 「人民大會堂」

好多重議的會議都係呢度開

係中央的位置就係「人民英雄紀念碑」

「人民英雄永垂不朽」

仲有毛澤東為首的雕像

而呢個就係毛澤東紀念館

聽聞毛澤東的屍體仲放係呢度比人來參觀

但開放時間係每日的朝早8點半至中午12點半

想來睇下既話, 就要早d 來咯

望一望錶時間大約去到5點,仲有45分鐘就會有降旗儀式

我地決定冒住寒氣, 唔睇升旗改為降旗

佢地會由天公門廣場一路步操過來

過左馬路來度紀念碑附近

大約10分鐘, 整過降旗儀式完結了

而本身係廣場的8枝紅旗都落埋lu~

雖然因為時間關係, 故宮睇唔到, 毛澤東紀念館又入唔到

但睇到降旗都好開心

太凍啦, 吹到面都紅埋

我地決定返酒店叫外賣!!!!!!!!!!!!!!!!!!!

呵呵, 蔥爆羊肉, 正~~~~

脆皮日式豆腐, 正呀~~~~~~

加埋兩個白飯, 都係45蚊左右

又唔駛係街度吹風~~爽~~~

ps: 太豬的人還是不要太豬, 以免撲一場空

@2010.1.6 第四天 (上)

到左第四日我地又來返王府井啦

呢度好多人都來過, 因為有好多奇怪的野食

有活生生的蠍子 

有金蟬, 有蟬蛹, 有海星

仲有好多古舊的玩具同埋睇戲成日有既冰糖葫蘆

我又貪得意買左一串來食

係最特別的山渣+紅豆

原來係好酸架, 酸到盲公開眼:p

都唔明睇戲d 細路點解咁鐘意食

兜左個圈就來左呢度, 試下天津特產: 狗不理包子

仲有佢的出典添

係櫃面買左之後就來呢度攞包仔

嘩....一盤九粒, 呢個係豬肉味

買包子送粥水

因為任何飲野都要比錢, 所以我都多飲左幾啖粥水以便解渴

我地一共食左三籠狗不理

之後先知, 原來一籠成39蚊人仔

太貴啦!!!!!!! 可能係因為有國家規定

所以貴左好多~~~

出返來先發現, 原來我地第二天食的全聚德正門就係對面 

啋, 等我地o個日仲由商場行

兜左好耐, 先搵到個偏門, 無奈/_\ 哈哈

@2010.1.5 第三天

今朝晨早出左街, 連早餐都無正式食過

一直為一件事忙忙忙

由9點半開始到6點終於完成先發現好肚餓

因為仲有少少手尾, 結果我地係人地既地方叫左第一個外賣

唔知係咪好肚餓, 呢個飯盒我覺得超好味

大約7點半離開, 再打的去南鑼鼓巷

都唔知係呢度偏遠還是北京太大

竟然要截到第三個的士先識來呢度

因為都天黑啦, 呢度無乜人, 仲黑媽媽

周圍都係d 好古舊的建築

都幾有feel

可惜好多地方都加左英文

例如hotel

cafe

傳聞好多外國人好鐘意呢度, 貪呢度夠晒中國feel喎

可能就係咁搞搞下呢度就變左有好多cafe, 好多bar的地方

感覺就好似香港的赤柱一樣

而係呢度都被我發現呢間熊貓店

同埋桔子酒店小冊子中介紹的文字奶酪店

宮廷奶酪

鋪頭細細, 每一個人都會叫返杯來食呀

為左避寒我地都叫返個來食下先

雙皮奶好有奶味, 好味, 呵呵

之後我地就諗住去食「羊肉泡模」

點知兜來兜去都搵唔到佢想搵o個間

於是就是但搵左一間: 护國寺小吃

牛肉包?

入面係牛展, 無乜汁, 味道一般, 只係感覺太乾

牛肉削麵

菜多過肉, 所以被人評價: 唔係咁好味

羊肉泡模

個羊肉好好味, 個湯好好飲

但d 包好多, 比我想像中的差左dd

原來d 包唔係脆脆, 係好似乾酥餅咁

結果因為覺得唔係咁好味

所以又轉左去一間雲南米線到食第二餐

我的米酒煮蛋花

米酒煮過之後, 甜甜地,

飲左覺得好暖胃

但唔可以飲太多, 因為都覺得米酒的酒精成份幾高

他的薰魚飯

魚, 勁多骨, 又無乜肉, 太辣, 我根本食唔到

而佢都竟然...........................食剩晒, 慘!!!!~~

估唔到係度搵野食好似咁難咁既....

@2010.1.4 第二日

來到北京第一時間就梗係要嘆下最正宗的北京填鴨啦

今次就試下傳說中的全聚德啦

兜兜轉轉終於搵到個位坐低

先點左個北京填鴨

都係有個大叔係你面前片的

卷呀卷呀 

食得, 好好味呀

不過份量好似少左啲?? 四個人一隻鴨好快就無晒

另外仲點左菇菇湯

鴨肝

鵝腸

呢個味道有少少辣,

咁多款都係鐘意食北京填鴨, 呵呵

食飽飽又冒住大風由王府井搭去奧林匹克站

見下08年奧運的場地

倒數的塔??

鳥巢

 

水立方

連燈都係鳥巢仔, 呵

呢日太大風雪, 著好多, 但都唔夠 

差d 有凍死的感覺, 所以影相唔係特別多

轉眼又去返西單站附近的一個cafe

嘆下茶溫柔下先

邊溫暖邊嘆茶邊玩啤牌

轉眼又無左兩個鐘了

又係時候食晚飯啦

暖笠笠的打邊爐呀

不過北京的朋友們似乎同香港人打邊爐習慣有ｄ唔同

沒有魚蛋，　墨魚丸的打邊爐是不飽的, 哈哈

不過經過今晚的聽力大測驗, 我估我對北京普通話只有三成的聽力

還是要好好多聽多練習先得

最後來埋呢個芝麻糯米波就打的打道回府了

@2010.1.3 第一天

1月3日先由多倫多返到香港

計劃抖幾個鐘就立即再由香港飛到北京

點知5點幾到我想check in個時先發現...........

cancelled cancelled!!! omg

原來北京個日好大雪, 好多朝早的機都cancelled左

而晏過我的港龍機都cancel 埋

worry, 點算好, 但唯獨我搭的hong kong express仲堅持住

無話cancel 又無話起得飛

雖然唔知等到幾時, 但總有個希望

等了又等, 等了又等, 結果竟然可以做checkin!

 yeah gate 524!!~~呵呵

第一次通過二號客運大樓

準備向524出發

點知去到先知, 原來又要等

又係唔知等到幾時

結果等了又等, 等了又等

係我灰到爆. 灰到想大叫, 灰到想喊的時候

係眼前的screen 竟然出現左一個字

我以為係cancelled...wowowo

點知係borading!!!!!

yeah yeah

結果所有人一窩蜂咁沖晒上架接駁巴士度

等了2.5小時, 終於可以出發

北京, 我來啦~~~~~~~~~~~~~~~~~~~~~~

ps: 多謝hong kong express的堅持

唔知個日係咪只有我呢班機可以飛到去北京呢!@@

@2009.11.8

上回已講晒成個行程

今篇主力講返d 野食先

話說行完第一個景點, 我地就去左食晏

1. 雞

2. 又係雞

3. 下, 仲係雞

係, 無錯, 頭三味都係雞, 哈哈

因為太多旅行團, o個度d阿哥阿姐送錯晒

4. 鱔

5. 豆腐 & 6. 同後面碟唔知乜 

7. 薯仔鴨

8. 蟲草菇湯 

9. 「大」閘蟹

 

名副其實係一人一隻

因為太細, 基本無可能分到比人:p

10. 蕃薯糕

11. 飯後生果

總結: 難食

報告完畢

不過都好多謝領隊同埋導遊的幫忙

無佢地的追迫, 我地可能無咁多野食

跟團都有跟團的好~~~

特別介紹: 大煎堆

碌呀碌呀, 碌到幾大個

好似紅a 桶咁高, 哈哈,

個樣就可愛了, 唔知食落又係咩味呢?????

@2009.11.8

早前係travel zoo睇到美麗華做大減價

團名為:

~虎門海戰博物館~百年風水寶地、逆水流龜村堡【蟲草花膠大閘蟹宴】

休閒美食一天團      

指明一人一隻大閘解, 計埋車費等, 就算周日上去都只係$49

(唔包括導遊費$50)

於是諗都無諗立即報名

報完名先醒起: 噢...原來老吉係第一次返大陸

懷著又興奮又疲累的心情

晨早六點天都未光就起身去轉車轉左半個鐘去尖沙咀集合

上左車, 先訓個半鐘左右, 過完沙田再過深圳西過關

老吉的第一次.............

人頭湧湧, 但過關速度超快, 轉眼就過左關

去埋個厠所, 就準備出發去第一個景點: 虎門海戰博物館

呢一程又坐左個半鐘...

入面唔算好大, 主要係擺放林則徐鴉片戰爭的相關物品 

入來不易, 出去更難, 有意思有意思

行左一個圈, 都唔駛30分鐘, 仲剩少少時間

就想睇下對面岸的逆水流龜村堡

可惜太大霧

唔好講對面岸的流龜村堡, 連虎門大橋都只係隱約見到咋

再坐個半鐘車先去醫下肚

(餐飯要係下篇詳細介紹)

醫飽個肚又要去下一個景點

好彩呢程只需20分鐘, 否則連飯都會嘔埋出來

蒙古區

個導遊話將舊石拋上個天, 許個願, 越高越靈喎

講左七年, 終於可以見識咩係蒙古包, 呵呵

一入到去就見兩個人唱歌仔

個女就送上絲巾比其中一位團友, 以示祝福佢身體健康

後面的就係呢個area的導遊啦

佢後來補充仲話: 通常係年紀大少少的長者先會接受到呢份祝福

激到收到個位阿姐唔知好嬲定好笑真係慘

最後被佢地sell 左大約15分鐘就離開

d 姐姐sell 野sell 到上車, 賣到target 數目先放人

好彩同行的人都好有錢, 噓~~~

玩完蒙古包, 再坐20分鐘車

又來到另一個「賣點」蘆薈園

有好多唔同品種的蘆薈

最後來到個密室 

等呢位哥仔係咪sell 唔同的蘆薈產品

一sell 就已經變左天黑

 

最後都係要上埋車賣呀賣呀

賣到佢地認為夠先收手....噓, 呢站仍然力保不失, 呵

之後再搭半個鐘,去買手信

再搭返兩個半個鐘,車返羅湖

再搭多個半鐘頭車我就返來到屋企啦~~~~~~~~~~~~~~~攰

總結成個trip的時間:

由朝早約7時開始至9時半回家共12.5小時

其中約有10個鐘係架車度.....